Pedair dawns finiog fer gan Gwmni Dawns Cenedlaethol Cymru.

Yn ffraeth iawn ac yn llawn cymeriad a dawnsio anhygoel, pedwarawd difyr a hudol yw Roots.

Mae Beside Himself yn edrych ar sut mae’r ego a’r alter ego yn cydfyw ochr yn ochr. Mae wedi’i choreograffu gan gyfarwyddwr artistig y cwmni, Caroline Finn, felly byddwch yn barod am ei harddull ecsentrig ar ei gorau.

Darn teimladwy yw Omertà am wragedd yng nghymdeithas Maffia’r Eidal a’u llwybr at ryddid. Wedi’i goreograffu gan Matteo Marfoglia, mae wedi’i osod i gerddoriaeth wych gan y grŵp lleisiol Eidalaidd, Faraualla. 

Ochr yn ochr â’r perfformiadau hyn mae’r cwmni’n perfformio dau hoff ddarn o’u teithio diweddar. Animatorium chwareus Caroline a darn dirdynol Lee Johnston They Seek to Find The Happiness They Seem.

Mae’r perfformiadau’n cynnwys trafodaeth a straeon gan y rheini a fu’n cymryd rhan mewn gwneud a pherfformio’r gwaith. Ffordd wych o gael gwybod mwy am y gwahanol ddarnau.